Golden Star i winim PVFL Opening tunamen

Hem i no wan saprais long olketa strong fan mo sapota blong futbol long kapitel taon se bambae Golden Star i winim opening tunamen blong 2005 insaid long Port Vila Football League.
Hemia i folem ol rekod blong olketa truaot long tunamen kasem faenal. Olketa i bin kitkit long 0-0 wetem ol jambion Tafea FC, mo oli winim Tupuji Imere long semi faenal bifo oli go mitim mo winim Amical FC 2 - 0 long bigfala faenal long Sarere 26 Marj.
Wan bigfala kraod i fulumap olfala stedium blong Port Vila blong watjem olketa faenal we i tekem ples long Sarere ia. Be matj we i rili pulum plande pipol i go long Port Vila Stadium hem i gran faenal bitwin Golden Star mo Amical FC.
Pipol i save gud se bambae i wan gud mo strong faenal from tufala tim i plei klasik futbol.
Be Golden Golden Star i gat advantej ova long ol yangfala boe long Amical from tim i kamaot long ful fos, be Amical i safa from plande long ol ki pleya blong olketa i stap insaid long nasonal Anda 17 skwad blong Vanuatu we i stap long Noumea naoia blong tekem pat long OFC U17 Wol Kap kwalifae tunamen we bambae i stat long Sarere 2 Eprel.
Golden Star anda long Presiden Andrew Leon i soemaot niufala fes blong hem long Vanuatu Football taem hem i karem sam pleya aotsaid long vilej blong Erakor blong plei insaid long tim.
Golden Star i bin safa lelebet long ol pas yia from oli nomoa gat ol straeka blong finisik ol kwaliti gem we oli stap mekem stat long difens kasem midfil. Be long yia ia Andrew i karem Issac Kabi mo Silas Avok we i fomem wan denjares forwod blong olketa. Mo hem i karem Manu Peter i go insaid long midfil blong plei wetem Kalsarur.
Folem ol gem we oli mekem finis, bambae Golden Star i wan long ol tim we i haelaitem futbol long Port Vila long 2005.
:Long faenal blong Fes Divisen, Pango Green Bird i winim Ifira Black Bird long 3 - 1.
Apco Coating nao i sponsarem Opening Tunamen blong PVFL long 2005.


Comments

Comment Guidelines: The SportsTG Network is made up of players, families and passionate sports followers like you who have a strong opinion about sport. That's great - we want you to have your say and share your thoughts with the world. However, we have a few rules that you must follow to keep it fun for all. Please don't be rude, abusive, swear or vilify others. Apart from some pretty serious sport sanctions, we also can ban you and report you if things get out of hand. So play fair and have fun, and thanks for your contribution.