PVFL i kikim off 2005 wetem Apco Coatings

Ol futbol fil raon long Port Vila i kam laif las Sarere 25 Februware, wetem ol aksen blong ol fes gem blong PVFL 2005 sisen we Apco Coatings i stap sponsarem.
Folem ol instraksen we i kamaot long Vanuatu Football Federation, PVFL i hangem blak reben long han blong evri pleya we i plei las Sarere, mo bifo evri mats, evriwan i stap kwaet long wan menet blong soem respek long ded blong Honorari Presdien blong Vanuatu Football Federation Kalman Kiri, long Fraide 26 Februware 2005, bifo oli statem plei. Ol gem blong ol lowa divisen i tekem ples long Korman Stadium, Kawenu Fil mo Freswota Fil, mo Port Vila Stadium i karem fofala gem blong Premier Divisen.
Long Fes mats blong Premier, Tupuji Imere i kitkit long 1 - 1 wetem Sia Raga FC. Tafea FC i tu strong blong klasik Amical FC mo oli winim olketa 3 - 1. Yatel FC i soem se oli stil kipim standed blong olketa yet, be kolosap niufala tim long Premier Divisen Westtan i kitkit wetem olketa. Sko long en blong gem hem i Westtan 3, Yatel FC 4.
Long lasfala gem blong Port Vila Stadium, i lukim vetaren Pita Kalotang i lidim wan yang Golden Star tim we i karem foma Tafea mo nasonal U20 straeka Issac Kabi mo 2004 futsal star Silas i go insaid long fil. Ol "Golden Boys" i soemaot deinjares kombinesen blong ol forwod blong olketa taem niufala transfea straeka Silas Avok i trikim ol difenda blong Seveners bifo hem straekem fes gol blong tim blong hem wetem wan strong sut long lef blong hem. Seken poen blong Golden Stars i kamaot long Issac we hem tu i trikim ol difenda blong Seveners bifo hemi lego wan kano long raet leg blong hem blong skorem namba tu poen blong niufala tim blong hem.


Comments

Comment Guidelines: The SportsTG Network is made up of players, families and passionate sports followers like you who have a strong opinion about sport. That's great - we want you to have your say and share your thoughts with the world. However, we have a few rules that you must follow to keep it fun for all. Please don't be rude, abusive, swear or vilify others. Apart from some pretty serious sport sanctions, we also can ban you and report you if things get out of hand. So play fair and have fun, and thanks for your contribution.