Tronquet i lukaotem rod blong VFF i kam self rilae

Vais Presiden blong Vanuatu Football Federation (VFF) Jacques Tronquet, i talem se hem i wandem mek yus long posisen blong hem insaid long wol bodi blong futbol FIFA, blong fainem ol rod we VFF i save folem blong lukaotem hemwan.
Bifo hem i livim kaontri long Wenesde 9 Februare blong go long rod blong hem i go long wan miting blong kometi we hem i memba long hem long Zurich, Mr. Tronquet i talem se aotsaed long miting blong hem, bambae hem i tekem taem ia tu blong mit wetem sam long ol gudfala fren blong hem blong lanem ol rod blong resemap mane blong ranem ol divelopmen program blong futbol long Vanuatu.
"Hemia i wan bigala advantej blong yumi we i gat tufala blong mifala long exekutiv blong VFF i stap insaed long ol teknikel kometi blong FIFA. Yumi gat Presiden blong yumi Johnny Tinsley Lulu we i stap insaed long Referee Committee blong FIFA, mo mi mi stap insaed long Marketing Committee blong FIFA Cofederations Cup tournament", Mr. Tronquet i talem.
"Miting we mi stap go long hem ia i blong tufala haowa nomo... be long fasen blong wok long intanasonal level olsem, plande long ol wok i stap hapen aotsaed long ol nomol taem blong miting. So mi stap luk forwod blong go mitim ol kolig blong mi we oli ol gudfala fren blong mi tu, blong mi serem situesen blong VFF mo visen blong yumi long olketa, mo semtaem toktok wetem olketa blong faenem ol rod we i save lidim VFF i go kasem stej we hem i save lukaotem hemwan", Tronquet i talem.
Mr. Tronquet i talem se hem i gat ol gudfala fren we i kamaot long ol nasonal asosiesen blong ol kaontri blong Asia, Europe mo long America, we bambae hem i wok kolosap wetem olketa blong ajivim gol blong hem.
Hem i talem se VFF i mas stat naoia blong wok mo lukaotem ol rod blong hem i kam "self-sufficient".


Comment Guidelines: The SportsTG Network is made up of players, families and passionate sports followers like you who have a strong opinion about sport. That's great - we want you to have your say and share your thoughts with the world. However, we have a few rules that you must follow to keep it fun for all. Please don't be rude, abusive, swear or vilify others. Apart from some pretty serious sport sanctions, we also can ban you and report you if things get out of hand. So play fair and have fun, and thanks for your contribution.