Port Vila Futsal League i gat jenis long 2005 sise

Bambae Port Vila Futsal League i mekem sam jenis long strakja blong hem long niufala yia ia we bambae i lukim we Divisen blong olketa Masters i nomoa gat, mo namba blong ol tim insaid long wan kategori i go daon tu.
Presiden blong PVFL Marko Heromanley i talem se sistem blong pem afiliesen fi tu bambae i jenis mo ol klab i mas pem 50% blong total anuol fi blong olketa bifo oli save tek pat long opening prokram mo ol fes raon blong 2005 Jambionsip.
"Fes AGM blong Port Vila Futsal League bambae i tekem ples long fes wik blong Februare, mo long taem ia nao bambae kometi i givim ofisol apruvol long ol niufala fasin blong wok long 2005", Mr. Heromanley i talem.
Mr. Heromanley i talem se anda long ol niufala jenis ia, bambae namba blong ol tim long wan divisen i go daon long 8. Hemia i minim se bambae i gat 8 tim insaid long Women's Division; 8 tim long Fes Divisen mo 8 tim insaid long Premia Divisen. Hem i talem se bambae oli nomoa inkludim Masters Divisen long ol jambionsip program, be bambae oli lukluk nomo blong mekem wan sot tunamen blong olketa long medel blong yia or long en blong sisen.
Long said blong afiliesen fi, Presiden blong PVFL i talem se oli stap semak. Hem i talem se sapos wan klab i tekem pat long wan divisen nomo, bambae hem i pem wan afiliesen fi blong VT40,000 long wan yia. Sapos klab i gat ti long tufala divisen, bambae hem i pem VT60,000 (VT30,000 long wan tim) long wan yia. Mo sapos klab ia i gat tim long trifala divisen evriwan, bambae hem i pem wan fi blong VT75,000 (VT25,000 long wan tim) long wan yia.
Port Vila Futsal League bambae i statem 2005 Sisen blong hem long fes wik blong manis Mats.


Comment Guidelines: The SportsTG Network is made up of players, families and passionate sports followers like you who have a strong opinion about sport. That's great - we want you to have your say and share your thoughts with the world. However, we have a few rules that you must follow to keep it fun for all. Please don't be rude, abusive, swear or vilify others. Apart from some pretty serious sport sanctions, we also can ban you and report you if things get out of hand. So play fair and have fun, and thanks for your contribution.